Бул тууралуу EurasiaPluse маалымат агенттиги билдирди.
АКИpress – Кыргызстандык 25 жаран Россиянын Москва шаарындагы мончодо болгон окуяга байланыштуу административдик жоопкерчиликке тартылды. Бул тууралуу 13-майда Тышкы иштер министрлигинин Консулдук департаментинин директорунун орун басары Бакыт Кадыров «Биринчи радионун» эфиринде билдирди.
Анын айтымында, бүгүнкү күндө бул иш боюнча териштирүү уланып жатат жана Кыргызстан бул боюнча өз кайрылуусун жасады.
«Бул багытта элчилик иш алып барууда. Россиядагы элчи да ушул маселе боюнча адилеттүү чечим кабыл алууну өтүнөт», – деди ал.
Москванын полиция кызматкерлери 10-апрелде кыргызстандыктар отурган мончодо рейд жүргүзүп, жарандар кордолуп жатканы көрүнгөн видео тараган. Андан кийин Кыргызстандын Тышкы иштер министрлиги «Бодрость» мончо комплексинде кыргызстандыктардын массалык түрдө кармалышына байланыштуу Россиянын элчиси Сергей Вакуновго нота тапшырган.
Сүрөт: akipress.org сайтынан алынды