Бул тууралуу EurasiaPluse маалымат агенттиги билдирди.
Turmush —
Учурда Нарын шаарында 1 килограмм тыбыттын баасы орточо эсеп менен 3000 сомдон сатылууда. Бул тууралуу аймактык кабарчыга шаар тургуну Жаныбек Сатаров билдирди.
Анын айтмында, айыл чарба министри мал киндиктүү Нарын жергесинде эл менен жолугушуу учурунда көптөгөн убадаларды берген. Ал убадалардын арасында «Кыргызстанда эчки көп, тыбыт жакшы, тыбытты өзүбүз алып, чет мамлекетке өзүбүз экспорттойбуз» деген сөзүн эске салды.
«Айыл чарба министри айткан убадасын аткарыш керек болчу, тыбыт деген аябай кымбат. Министр “тыбытты мамлекет алат” дегенден бери 2 жыл болду. Эч тыянак жок. Тыбытты мамлекет алса, жүн, тери иштетилсе мамлекетке канча киреше түшүп, элге пайда болмок эле.
Тыбыт бааланбай калды. Койдун жүнүн, терисин элдер өрттөп жатат. Анткени алар азыр такыр эле өтпөй калды. Мындан тыбытты соодагерлер келип, өз каалаган баасын коюп, алып жатышат.
Учурда 1 кг тыбыттын баасы 3000 сомдон алабыз. Сатып алуучулар бизден 50-100 сом кошуп алат. Кытайда бул тыбыттын баасы 100 доллардан ашык турат экен. Бизден 2 эсе арзан баада алып жатат. Сатып алуучулар кытайларга алып барат, Кытайдан ары деңиз менен арабдарга алып барышат.
Эгер мамлекет алып берсе элдин баары мамлекетке өткөрүп бермек. Ат-Башы, Нарын, Кочкордо тыбыт көп, аларман жок», – деди ал.
Жаныбек Сатаров
// Turmush
————————–
2024-жылы Министрлер кабинетинин төрагасынын орун басары — суу ресурстары, айыл чарба жана кайра иштетүү өнөр жай министри Бакыт Төрөбаев жалпыга маалымдоо каражаттарынын өкүлдөрүнө жазгы талаа жумуштарынын башталышы тууралуу маалымат жыйын өткөрүп жатып, кайра иштетүү өнөр жайы жана логистика тармактарында аткарыла турган иштерге токтолгон.
Төрөбаевдин айтымында, буга чейин чийки заттын 10% гана кайра иштетилип келген. Мындан ары калган 90% чийки затты кайра иштетүү өнөр жайына жумшоо каралууда.
«Маселен өлкөнүн Нарын облусунда мал чарбачылыгы өнүккөн. Бул аймакта булгаарыны жана тыбытты кайра иштетүү ишканасын ачууну пландап жатабыз. Мындан тышкары картошка сактоо, кездеме чыгаруу, сүт, мал этин, тоок этин өндүрү жана дан азыктары тармактары сыяктуу жакынкы жылдары 100 ири долбоор ишке ашырылат», – деген Төрөбаев.
Сүрөт: akipress.org сайтынан алынды