Бул тууралуу EurasiaPluse маалымат агенттиги билдирди.
Turmush — 9-майда Ноокат районунун Жаңы-Ноокат айыл аймагындагы «Сахаба» эс алуу жайында өткөн алыш күрөш мелдешинде чыр чыгып, социалдык тармактарга тараган видео коомчулуктун көңүлүн бурду.
Ош облустук ички иштер башкармалыгынын басма сөз кызматы маалыматына ылайык, 2025-жылдын 9-май күнү Ноокат райондук ички иштер бөлүмүнө Жаңы-Ноокат айыл аймагындагы «Сахаба» эс алуу жайында өтүп жаткан алыш күрөштө 2 спортчунун ортосунда чыр чыккандыгы тууралуу маалымат келип түшкөн.
Бул факты каттоого алынып, тергөөгө чейинки текшерүү иштери башталган. Алдын ала жүргүзүлгөн текшерүүнүн жүрүшүндө Ноокат районунун Гүлистан айыл аймагынын тургуну, 1999-жылы туулган М.С. менен анын атаандашы, 1999-жылы туулган А.М.нын тарапташтарынын ортосунда чыр чыккандыгы белгилүү болгон.
Коопсуздукту камсыздап жаткан милиция кызматкерлери түшүндүрүү иштерин жүргүзүп, чогулгандарды таркатышкан.
Окуяга байланыштуу эки тарап тең арыз жазуудан баш тартышкан. Учурда тергөөгө чейинки текшерүү иштери уланууда.
Сүрөт: akipress.org сайтынан алынды