Бул тууралуу EurasiaPluse маалымат агенттиги билдирди.
Turmush — Ош шаарындагы автобустардын кондиционерлери иштебей, тургундар нааразы болушууда.
Алардын айтымында, Ош шаарында абанын температурасы 40ка жетип атса, автобустардын ичи ого бетер ысык. Айдоочулар «кондиционерлер иштебейт» деп жүргүнчүлөрдү кыйнап жатышат.
Ош шаарынын тургуну Айпери Нурбек кызынын айтымында, ал күн сайын 13-автобус менен каттап иштейт. Автобустарда кондиционерлердин иштебей калышы, көп түйшөлтүүдө.
«Мен Кулатов кичи шаарчасынан Араван аялдамасы жакка келип иштейм. Бир да автобуста кодиционер жок. Былтыр жаңы келгенде аябай сүйүндүк эле. Анда иштеп, жыргап калганбыз. Быйыл кондиционерлер иштебей, күндүн ысыгында мончодо жүргөндөй эле болуп атабыз», – деди ал.
Ош шаардык муниципалдык автоунаа ишканасынын жетекчиси Саибжан Турдуев
«10-12 автобустун кондиционери жакшы иштебей жатат. Учурда текшерүү иштери жүрүүдө. 2-3 күндүн ичинде толук иштей баштай», – деди ал.
Былтыр Өзбекстандан 100 даана жаңы автобус алынып келинген. Алар учурда Ош шаарында 5 каттам боюнча жүргүнчүлөрдү ташууда. Алардын каттам номурлары: 7, 13, 25, 43 жана 49.
Буга чейин ӨКМ 16-17-майда күн ысык болорун кабарланган. Анда абанын күндүзгү температурасы Чүй, Ош, Жалал-Абад, Баткен облустарынын өрөөндөрүндө 35…40° чейин, Талас облусунун өрөөнүндө 33…38° чейин жогорулашы мүмкүн экени айтылган.
Сүрөт: akipress.org сайтынан алынды