Бул тууралуу EurasiaPluse маалымат агенттиги билдирди.
Turmush — Ош облусундагы эс алуучу жайларда коопсуздук чаралары күчөтүлүп, посттор коюлду. Бул тууралуу Ош ОИИБдин басма сөз кызматы билдирди.
Маалыматка караганда, май айындагы майрамдык иш-чараларда жана облус аймагындагы эс алуучу аймактарда милиция кызматкерлери коомдук коопсуздукту жана жол кыймылынын коопсуздугун камсыздашууда.
Жаз мезгили келип, аба ырайы жылып, жаратылыш койнунда эс алууну каалаган туристтердин жана жергиликтүү тургундардын агымы көбөйүп жатат.
Буга байланыштуу Ош облусунун ички иштер башкрмалыгынын жетекчилик курамынын кызматкерлери аймактарга жооптуу катары бекетилип, жеринде өздүк курамдын кызмат өтөөсүн координациялоо боюнча иш алып барышууда.
Аны менен катар жаш балдардын топтоп алып, тоо койнуна, же болбосо сууга түшүүчү аймактарга өз алдынча чыгып кетүүсүнө жол бербөө максатында унаа жолдоруна посттор уюштурулуп, унаалар текшерүүгө алынууда.
Ошондой эле, жаратылыш койнунда эс алып жаткан жергиликтүү тургундарга жана чет элдик туристтерге коопсуздук эрежелерин сактоону эскертишип, таштанды таштап, жаратылышты булгабоо тууралуу түшүндүрүү иштерин жүргүзүшүүдө.
Сүрөт: akipress.org сайтынан алынды