Бул тууралуу EurasiaPluse маалымат агенттиги билдирди.
Билим АКИpress – Ош мамлекеттик педагогикалык университетинин 100 жылдык мааракесине жана педагогика илимдеринин кандидаты Зырапа Абдувасиеванын 70 жылдык юбилейине арналган «Билим берүү жана тарбиялоодогу заманбап технологиялар жана инновациялык процесстер» аттуу эл аралык илимий-практикалык конференция ийгиликтүү өткөрүлдү.
Маалым болгондой, бул иш-чарага ОшТУнун табигый-гуманитардык илимдер борборунун башчысы, педагогика илимдеринин доктору, профессор Азиза Саттарова «Манас» эпосун интеграциялап окутуунун технологиялары» деген темада илимий баяндама менен катышты.
Конференциянын максаты – билим берүү, педагогика жана тарбия багыттарында иш алып барган илимпоздордун, жаш окумуштуулардын жана аспиранттардын ортосунда тажрыйба жана маалымат алмашууга платформа түзүү болду. Пленардык жана секциялык отурумдарда билим берүүнүн ар кыл аспектилери талкууланып, заманбап изилдөөлөр сунушталды. Профессор А.Саттарова «Коомдук, гуманитардык жана филологиялык илимдерди өнүктүрүүнүн заманбап талаптары» аттуу секцияны жетектеп, мазмундуу баяндамалар менен бөлүшкөн катышуучуларга сертификаттарды тапшырды.
Мындай илимий иш-чаралар билим берүү тармагындагы изилдөөлөрдү өнүктүрүүгө, улуттук баалуулуктарды жаңыча ыкма менен окутууга жана тажрыйба алмашууга кеңири мүмкүнчүлүктөрдү түзөт. Илимий кызматташтыкты чыңдоо жана билим сапатын жогорулатуу багытында мындан аркы аракеттер улантылмакчы.
За событиями в Кыргызстане следите в Телеграм-канале @akipress.
Бул макала Билим АКИpress басылмасынын интеллектуалдык жана автордук менчиги болуп саналат.
Материалды сайттан көчүрүп алуу редакциянын жазма уруксаты менен гана мүмкүн.
Комментарии будут опубликованы после проверки модератором
Сүрөт: akipress.org сайтынан алынды