Бул тууралуу EurasiaPluse маалымат агенттиги билдирди.
АКИpress – Пакистан Индияга жооп катары «Баньян-уль-Марсус» — «Бышык дубал» аттуу ири масштабдуу аскердик операция башталганын жарыялады. Бул тууралуу «Аль-Жазира», «SAMAA», Пакистандын «Geo TV» телеканалы жана башка ЖМКлар билдиришти.
«Geo TV» өз булактарына таянып билдиргендей, Пакистандын армиясы бир нече индиялык аскердик объектилерге сокку урган. Удхампур жана Патханкот авиабазалары жабыркаган. Мындан тышкары, телеканал «БраМос» кемеге каршы ракета кампасы жок кылынганын билдирди. Ошондой эле телеканалдын булактары Пакистан киберчабуулдун натыйжасында Индиянын электр тармактарынын 70%ын иштен чыгарганын кабарлашты.
Пакистандын армиясынын өкүлү Ахмед Шариф Чаудхри жооп катары Индия 3 авиабазага ракета атканын билдирди.
«Индия учактарынын жардамы менен “аба-жер” классындагы ракеталарды учурду. Нур-Хан, Мюрид жана Шоркот максатталган», – деген ал («Reuters» маалыматы боюнча). Алардын айрымдарын абадан коргонуу күчтөрү кармап калган.
Сүрөт: akipress.org сайтынан алынды