Бул тууралуу EurasiaPluse маалымат агенттиги билдирди.
Turmush — Кечээ, 9-майда Чүй облусунун Кайыңды шаарында Улуу Жеңиштин 80 жылдыгы белгиленди. Бул күнгө карата “Өлбөс полк” жүрүшү өтүп, иш-чара мэрдин кубогу үчүн уюштурулган футболдук турнир менен коштолду.
Кайыңды шаары Панфилов районунун административдик борбору болуп саналат. Иш-чарага райондун акими Бекмаат Масаидов, шаар мэри Рысбек Шейшенов, социалдык мекемелердин өкүлдөрү, айыл өкмөттөрүнүн кызматкерлери жана жергиликтүү тургундар катышты.
Алар “Жеңиш” сейил багындагы белгисиз жоокердин эстелигине гүлчамбар коюп, Улуу Ата Мекендик согушта курман болгондорду эскеришти.
Майрамдык иш-чара оюн-зоок жана концерттик программа менен улантылып, соңунда борбордук стадиондо мэрдин кубогу үчүн футбол боюнча турнир өттү. Мелдешке жалпы 8 команда катышып, жыйынтыгында “Кайыңды жаштар” командасы жеңишке жетишти. Жеңүүчүлөргө кубок, ардак грамота жана медалдар тапшырылды.
Улуу Жеңиш күнүнө арналган майрамдык салтанат Жогорку Кеңештин төрагасынын орун басары Нурланбек Азыгалиев, президенттин Чүй облусундагы ыйгарым укуктуу өкүлү Канат Жумагазиев, Панфилов районунун акими Бекмаат Масаидов, чет өлкөлүк демөөрчүлөр, мекеме-уюмдардын жетекчилери жана айыл аксакалдарынын катышуусунда өттү.
Иш-чара Курама айыл аймагындагы И.В.Панфиловдун эстелигине гүлчамбар коюу жана анын эрдигин эскерүү менен башталды.
Учурда чет өлкөлүк демөөрчүлөр тарабынын Панфиловдун эстелигин оңдоп- түзөө иштери жүрүп жатат.
Сүрөт: akipress.org сайтынан алынды