Бул тууралуу EurasiaPluse маалымат агенттиги билдирди.
АКИpress – Президент Садыр Жапаров бүгүн, 20-майда иш сапары менен Будапешт шаарына барды.
Президенттик администрациянын басма сөз кызматы маалымдагандай, мамлекет башчынын учагы Будапешт шаарындагы Ференц Лист атындагы эл аралык аэропортко конду.
Президент Садыр Жапаровду Мажарстандын министри – премьер-министринин канцеляриясынын башчысы Гергей Гуйяш жана башка расмий адамдар тосуп алышты.
Аэропорттун флагштокторуна ТМУга мүчө жана байкоочу мамлекеттердин желектери илинип, килем төшөлүп, анын боюнда ардактуу караул тизилген.
Президент Садыр Жапаров иш сапарынын алкагында Түрк мамлекеттер уюмуна катышуучу өлкөлөрдүн мамлекет башчыларынын бейформал саммитине катышат.
Сүрөт: akipress.org сайтынан алынды