Бул тууралуу EurasiaPluse маалымат агенттиги билдирди.
АКИpress – Президент Садыр Жапаров бүгүн, 9-майда Москва шаарындагы Кызыл аянтта Улуу Ата Мекендик согуштагы Жеңиштин 80 жылдыгына арналган парадга катышты.
Салтанаттуу иш-чарага 10 миңге жакын адам катышып, 130дан ашык аскердик техника жана авиация тартылган. Жөө колоннага аскерлердин ар кыл түрлөрүнүн жана бөлүктөрүнүн өкүлдөрүнөн турган полктор, батальондор жана роталар кирген.
Парадга Кыргыз Республикасынын Куралдуу Күчтөрүнүн Улуттук гвардиясы катышты.
Парадга Беларусь лидери Александр Лукашенко, Казакстандын президенти Касым-Жомарт Токаев, Кытай лидери Си Цзиньпин, Россиянын лидери Владимир Путин, Тажикстандын президенти Эмомали Рахмон, Түркмөнстандын президенти Сердар Бердымухамедов жана Өзбекстандын лидери Шавкат Мирзиёев күбө болушту. Ошондой эле Армения, Буркина-Фасо, Босния жана Герцеговина, Бразилия, Вьетнам, Венесуэла, Гвинея-Бисау, Египет, Зимбабве, Конго, Куба, Монголия, Мьянма, Палестина, Сербия, Словакия, Экватордук Гвинея жана Эфиопиянын мамлекет башчылары жана премьер-министрлери да чакырылган.
Параддан кийин мамлекет башчылар Россиянын президенти Владимир Путин менен бирге Александров бакчасындагы Белгисиз солдаттын мүрзөсүнө гүл коюу аземине катышты.
Сүрөт: akipress.org сайтынан алынды