Бул тууралуу EurasiaPluse маалымат агенттиги билдирди.
АКИpress – Россиянын бийлиги мигрант балдар үчүн орус тили боюнча тестирлөөгө катышуу тууралуу берилген арыздардын көпчүлүгүн кабыл алуудан баш тартты, деп билдирди Россиянын керектөөчүлөрдүн укугун коргоо жана көзөмөлдөө боюнча федералдык кызматы (Роспотребнадзор) 13-майда.
Апрель айынан баштап тестирлөөгө 1762 арыз берилген. Бийлик арыздардын 81%ын кабыл алуудан баш тартты. Негизинен мигранттардын документтеринин толук эместигинен, мектептерде бош орундардын жоктугунан же берилген документтердеги жалган маалыматтардан улам арыздарды кабыл алуудан баш тартылган.
Жалпысынан тестирлөөгө 335 адам киргизилген. Азырынча тестирлөөгө 44 адам катышып, алардын 27си тапшырмаларды аткарган, ал эми калгандары өтө алган эмес. Тестирлөө Орусиянын 10 аймагында өткөрүлгөн.
Роспотребнадзордун билдирүүсүнө ылайык, алгачкы жыйынтыктар чет элдик жарандарды жергиликтүү мектептерге кабыл алуунун жаңы тартиби аларды билим берүү мекемелерине кабыл алуунун негиздүүлүгүн жөнгө салууга мүмкүндүк берет.
Россиянын Мамлекеттик Думасынын спикери Вячеслав Володин 14-майда мигрант балдар үчүн орус тили боюнча тестирлөөнү киргизген түзөтүүлөрдү «туура» иш деп баалаган.
1-апрелден тарта россиялык мектептерде орус тилин билүү боюнча тестирлөө башталган. Сынак видео жаздырууга алынат, ал эми баланын оозеки жооптору аудиодо форматта жаздырылат. Вячеслав Володин тиешелүү мыйзам кабыл алынганга чейин мигрант балдардын 41%ы орус тилин билбейт же начар билет, бул калган окуучулардын билим сапатына зыянын тийгизет деп билдирген.
Мектепке кабыл алуу үчүн мигрант балдар тестте 90% упай топтошу керек.
Сүрөт: akipress.org сайтынан алынды