Бул тууралуу EurasiaPluse маалымат агенттиги билдирди.
АКИpress – Румынияда Кыргызстандын ардактуу консулдугу ачылды. Кыргыз элчиси Идрис Кадыркуловдун маалыматы боюнча, иш-чарага Румынияда аккредиттелген дипломатиялык корпустун өкүлдөрү, министрликтер менен ведомстволордун жетекчилери, ошондой эле кыргыз диаспорасынын жана Румыниянын бизнес-коомчулугунун өкүлдөрү катышты.
«Румыния — Чыгыш Европадагы динамикалуу өнүгүп жаткан мамлекет. Ал жан башына эсептегенде ИДП боюнча Польшаны ашып өтүп, энергетика, IT, туризм, айыл чарбасы жана башка тармактарда жогорку көрсөткүчтөрдү көрсөтүүдө. 2024-жыл Кыргызстан менен Румыниянын ортосундагы эки тараптуу сооданын көлөмү боюнча рекорддук жыл болуп, 67,1 миллион долларды түздү», – деп белгиледи элчи Кадыркулов.
Кыргызстандын жарандарынын кызыкчылыктарын коргоодогу активдүү иши үчүн ардактуу консул Юлиу Стоклоса Тышкы иштер министрлигинин мааракелик медалы менен сыйланды.
Сүрөт: akipress.org сайтынан алынды