Бул тууралуу EurasiaPluse маалымат агенттиги билдирди.
АКИpress – Мамлекеттик салык кызматынын мурдагы төрагасы Алтынбек Абдувапов 20-июнга, анын орун басары Исламбек Кыдыргычов 20-июлга чейин абакта калтырылды, деп маалымдады Биринчи май райондук сотунун басма сөз кызматы.
Алар 2024-жылдын декабрь айында камакка алынып, 20-январда ээлеген кызматтарынан бошотулушкан. А.Абдувапов менен И.Кыдыргычов буга чейин коррупцияга жана кызматтык абалынан кыянаттык менен пайдаланууга шектелип кармалган. УКМК билдиргендей, кылмыш иш акциздик продукцияларды өндүрүү, импорттоо жана сатуудагы мыйзам бузууларга байланыштуу.
Буга чейин да алардын камактагы мөөнөтү 2 жолу — 17-январда жана 17-мартта узартылган.
Маселе тууралуу:
5-6-декабрь күндөрү Мамлекеттик салык кызматынын мурдагы төрагасы Алтынбек Абдувапов жана анын орун басары Исламбек Кыдыргычов УКМКга суракка чакырылган. Буга чейин Салык кызматынын Бишкек шаарындагы 4 район боюнча бөлүмүндө тинтүү иштери жүргөн.
УКМКнын берген маалыматына ылайык, айрым ири өндүрүүчүлөр менен импортчулар документ жүзүндө толук маалыматы болбогон товарларды (алкоголдук ичимдик, кумшекер азыктары жана тамеки) факт түрүндө өлкөнүн түштүк аймагына жеткиришкен. Мында салыкчылар кызмат абалынан пайдалангандыгы, анын кесепетинен 2024-жылдын башынан бери 3,2 млрд сомдук товардын коштомо баракчалары табылбагандыгы айтылган.
Тергөөнүн маалыматына ылайык, 1 млн ЭТТК кайтарылып, бирок алардын бири да салык инспекторлору тарабынан текшерилген эмес. Мында төлөнбөгөн салыктын суммасы 30 млрд сомго чейин жеткен.
Сүрөт: akipress.org сайтынан алынды