Бул тууралуу EurasiaPluse маалымат агенттиги билдирди.
АКИpress – Москва шаарынын мэри Сергей Собянин 22-майга караган түнү шаарга кире бериште Украина учурган бир нече учкучсуз учак атып түшүрүлгөнүн «Telegram»-каналы аркылуу маалымдады.
Анын билдирүүсүнө ылайык, Москва убактысы боюнча саат 01:53те биринчи украиналык дрон атып түшүрүлгөн. Бир саат өткөндөн кийин Собянин 4 учкучсуз аппарат, дагы 45 мүнөттөн кийин – 8 аппарат жок кылынгандыгы тууралуу маалымат жарыялаган. Саат 03:43тө шаар башчысы орус аскерлери 4 учкучсуз аппаратты атып түшүргөнүн, саат 04:22де дагы бир аппарат тууралуу маалымат жайгаштырган. Саат 05:06да абадан коргонуу күчтөрү борборго багытталган 5 учкучсуз аппараттын чабуулун, ал эми саат 05:30да дагы үчөөнүн чабуулун токтоткон.
Түн ичинде Росавиация Москванын «Домодедово», «Жуковский», «Внуково» жана «Шереметьево» аэропортторунун ишине чектөө киргизген. Саат 05:30да «Шереметьеводо», саат 05:55те калган 3 аба бекетинде чектөө алып салынды.
Мындан тышкары эртең мененкиге чейин Владимир шаарынын «Семязино» аэропортунда да чектөөлөр болгон. Учурда Тамбовдогу аэропортто учактарды кабыл алуу жана учуруу боюнча чектөөлөр уланууда.
21-майда Собяниндин билдирүүсүнө ылайык, Москвага жакын жерде 27 украиналык учкучсуз аппарат жок кылынган.
Москва убактысы боюнча саат 20:00дөн 23:50гө чейин абадан коргонуу күчтөрү 77 украиналык учкучсуз аппаратты жок кылган, деп билдирди Россиянын Коргоо министрлиги.
42 аппарат Курск облусунун үстүнөн, 14 даана Белгород облусунун үстүнөн, 9 аппарат Москва облусунун үстүнөн атып түшүрүлгөн. 8 учкучсуз аппарат Орел облусунун үстүнөн, дагы экөө Калуга облусунун үстүнөн жана Рязань менен Тула облустарында бирден аппарат жок кылынган.
Сүрөт: akipress.org сайтынан алынды