Бул тууралуу EurasiaPluse маалымат агенттиги билдирди.
Turmush — Сузак районунун Жаңы-Дыйкан айылындагы мектепти 20 жыл мурда аяктагандар майып классташына 3 бөлмөлүү үй салып беришти. Бул тууралуу демилгечилердин бири Захид Маматюсупов билдирди.
Анын айтымында, классташ балдар жалпы 625 миң сом каражат чогулткан.
«Биз 2005-жылы Жаңы-Дыйкан айылындагы №29 Талип Муратов атындагы орто мектепти аяктаганбыз. Башта биз да бул юбилейди эл катары майрамдасакпы дегенбиз. Бирок классташ кызыбыз 2-топтогу майып болуп, атасынын эски үйүндө жалгыз калып кеткендиктен, анын үйүн жаңылап берүүнү колго алдык.
Алгач классташ 25 бала 25 миң сомдон акча чогултуп, эски үйдү бузуп, анын ордуна 3 бөлмөлүү бардык шарты менен жаңысын салып баштадык. Жалпы 625 миң сом чогулду, иштин жүрүшүндө классташ балдардын бири 50 миң сомго тыныке алып берди. Классташ кыздарыбыз чогулуп үй ичине керек болгон эмеректер, буюм-тайымдар, төшөк, идиш-аяктан бери алып беришти», – деди ал.
- Буга чейин Сузактын Чаңгыр-Таш айылындагы мектепти аяктаганына 20 жыл болгон бүтүрүүчүлөр өздөрү билим алган мектепти 1,5 млн сомго оңдоп бергени кабарланган.
Сүрөт: akipress.org сайтынан алынды