Бул тууралуу EurasiaPluse маалымат агенттиги билдирди.
Turmush — Бүгүн, 23-майда Талас ОИИБдин кызматкерлери жумуштарын мектептерден башташты. Бул тууралуу Талас ОИИБдин басма сөз кызматы билдирди.
Маалыматка караганда, алар бүтүрүүчү класстардын окуучулары менен жолугуп, профилактикалык иштерди жүргүзүштү. Акыркы коңгуроо салтанаттарын билим берүү мекемелеринен сырткары жерлерде уюштурууга тыюу салынганын эскертишти.
Облус аймагында 23-майдан тартып 30-майга чейин милиция күнү-түнү тынымсыз рейддерди уюштурат. Жаратылышы кооз аймактардын кире бериштерине посттор коюлуп, графиктин негизинде кызматкерлер кызмат өтөшөт. Мектеп бүтүүрүчүлөрүнө кафе-ресторандарда, түнкү клубдарда, жаратылышта көңүл ачууга, автоунаалардын коштоосунда көчө кыдырууга тыюу салынган. Эгерде тартип бузуулар орун алса мыйзам чегинде жоопкерчилиги караларын айтышты.
«Көрүлүп жаткан чаралардын бардыгы жаш өспүрүмдөр арасындагы кырсыктардын алдын алуу болуп саналат. Ошондуктан урматтуу бүтүрүүчүлөр коюлган талаптарды так аткарып, тартип бузбоого чакырабыз», – деп айтылат маалыматта.
Сүрөт: akipress.org сайтынан алынды