Бул тууралуу EurasiaPluse маалымат агенттиги билдирди.
Turmush — 2025-жылдын 4-май күнү түнкү саат 23:30 чамасында Бишкек—Ош унаа жолунун 295-чакырымында, тактап айтканда Токтогул районунун аймагында эки жүк ташуучу унаа бет маңдай кагышып, жол кырсыгы катталды. Бул тууралуу күбөлөр билдирди.
Күбөлөрдүн айтымында, кырсыктан кийин жүк ташуучу унаалардын бири дээрлик жарым-жартылай жок болгон. Эки унаанын тең ичинде товар жүктөрү болгон.
«Бет маңдай сүзүшкөн эки жүк ташуучу унаанын тең ичинде жүгү бар экен. Биз токтоп жараат алган айдоочулар жана жүргүнчүлөрдү бейтапканага жөнөттүк. Алардын абалы оор эле. Андан чоң жолго чачылган коробкадагы шириндиктерди жыйнап, унаага жакын коюп койгонбуз. Жеринде күч түзүмдөрү иштеп жаткан», – дейт окуянын күбөсү.
Жалал-Абад облустук жол кыймылынын коопсуздугун камсыздоо бөлүмүнүн маалыматына караганда, Чүй облусунун 1992-жылы туулган тургуну А.К. өзүнүн «Mercedes-Benz Гигант» үлгүсүндөгү жүк унаасын Ош багытынан Бишкекке карай башкарып келе жаткан. Ошол маалда ага карама-каршы тилкеде келе жаткан Ош шаарынын 1961-жылы туулган тургуну Б.М.Х. башкаруусундагы «Mercedes-Benz Атего» үлгүсүндөгү жүк унаасы (6,5 тонна конфет жана печенье жүктөлгөн) трактордон озуп өтөм деп каршы тилкеге чыгып, «Mercedes-Benz Гигант» үлгүсүндөгү менен бет маңдай кагышкан.
Кырсыктын кесепетинен эки унаанын айдоочулары жана 1959-жылы, 2011-жылы туулган жүргүнчүлөр (эркектер) Токтогул жалпы дарыгерлик практикалык борборуна жеткирилген.
Сүрөт: akipress.org сайтынан алынды