Бул тууралуу EurasiaPluse маалымат агенттиги билдирди.
АКИpress – АКШнын жана Түркиянын президенттери Дональд Трамп менен Режеп Тайып Эрдоган 5-майда телефон аркылуу сүйлөштү.
«Мен президент Эрдоган менен Россия жана Украинанын ортосундагы акылга сыйбаган, бирок өлүмгө алып келген согушту токтотуу үчүн иштешүүнү чыдамсыздык менен күтүп жатам», – деп жазды америкалык лидер Truth Social социалдык тармагында.
АКШ президенти түрк кесиптеши менен болгон диалогду абдан жакшы жана натыйжалуу деп атады. Ал Украинадан тышкары Газа секторундагы жана Сириядагы кырдаалды талкуулашкандыгын билдирди. Трамп Түркиянын лидерин Вашингтонго, ал эми Эрдоган аны Түркияга чакырганын кошумчалады.
Түркия эки лидердин сүйлөшүүсүнүн жыйынтыгында Анкара АКШ менен көптөгөн тармактарда, айрыкча коргонуу өнөр жайында кызматташууну өнүктүрүү кадамдарын уланта турганын билдирди.
«Ошондой эле Түркиянын президенти АКШнын Иран менен өзөктүк программа боюнча сүйлөшүүлөрүн колдой турганын билдирди», – деп айтылат расмий маалыматта.
Апрель айынын аягында Эрдоган америкалык кесиптеши Дональд Трамп менен телефон аркылуу сүйлөшүп жатканын жана мүмкүнчүлүк жаралса аны менен жолугушарын билдирген.
Сүрөт: akipress.org сайтынан алынды