Бул тууралуу EurasiaPluse маалымат агенттиги билдирди.
АКИpress – АКШнын президенти Дональд Трамп Украинанын президенти Владимир Зеленскийди Россиянын президенти Путиндин Стамбулда жолугушуу сунушун кабыл алууга чакырды. Ал мындай билдирүүсүн «Truth Social» социалдык тармагынлагы баракчасында жарыялаган.
«Путин сыягы ок атууну токтотуп турбастан алгач сүйлөшүүлөрдү баштагысы келип турат окшойт. Украина буга макул болушу керек. Жолугушуунун жыйынтыгында АКШ менен Европа өлкөлөрү согушту токтотууга мүмкүнбү аныкташат. Украина Экинчи дүйнөлүк согуштагы АКШнын жардамы менен жетишилген жеңишти майрамдап жаткан Путин менен келише аларына күмөн санап турам!», – деген ал.
Владимир Зеленский Трамптын билдирүүсүнөн кийин Путин менен сүйлөшүү үчүн аны Стамбулда күтөөрүн билдирди.
«Биз (Украина) эртеңден баштап узак убакытка ок атууну токтотууну күтөбүз. Ал дипломатия орнотууга негиз болуп бериши керек. Бейшемби күнү мен Путинди Стамбулда күтөм. Жеке өзүм кабыл алам. Бул жолкусунда орус тарап сүйлөшүүгө келбей коюуга негиз таба алышпайт чыгар», – деген ал.
11-майга караган түнү Владимир Путин Кремлде сөз сүйлөп, анда Украинага 2022-жылы үзгүлтүккө учураган түз сүйлөшүүлөрдү 15-майдан баштап Стамбулда эч кандай шарттарсыз кайра баштоону сунуштаган.
Сунуш Украинанын бийлиги 12-май — дүйшөмбүдөн тарта кургакта, абада жана деңизде 30 күнгө толук түрдө ок атууну токтотууга даяр экенин жарыялагандан кийин жасалды. Мындай чечим тууралуу Киевге Эммануэл Макрон, Дональд Туск, Кир Стармер жана Фридрих Мерц баргандан кийин жарыяланган.
Путиндин сөзүнөн кийин Киев Россия 30 күндүк тынчтыкты карманса гана Украина тарап жолугушууга даяр экендигин билдирди.
Сүрөт: akipress.org сайтынан алынды