Бул тууралуу EurasiaPluse маалымат агенттиги билдирди.
Turmush — 24-майдан 25-майга караган түнү Сокулук районунда Кожомкул айылы менен Новопавловка айылынын окуучулар мушташканы такталды. Бул тууралуу Чүй ОИИБден кабарлашты.
Маалыматка караганда, саат 21:30жа Сокулук РИИБге Кожомкул айылынын Пионер жана Ала-Арча көчөлөрүнүн кесилишинде 50гө жакын бала мушташып жатканы жөнүндө кабар түшкөн. Ал жерге ыкчам топ барган кезде окуучулар качып кетишкен.
Иликтөө учурунда Кожокул айылынын окуучулары менен Бишкектин Новопавловка айылынын 8-9-класстарынын окуучулары чырдашканы аныкталды. Чырдын чыгышына 2 мектептин окуучуларынын өз ара чатакташа кеткени себеп болгон. 3 бала жеңил жаракат алып, медициналык жардам алып, үйлөрүнө кеткен.
Милиция кызматкерлери окуучулардын ата-энелерине түшүндүрүү иштерин жүргүзүштү. Милициянын мобилдик тайпалары түзүлүп, мугалимдер, окуучулар менен да профилактикалык иштер башталды. Бүгүн ата-энелер менен чогулуш өтөт.
Учурда мушташтын бардык катышуучулары такталып жатат. Анын жыйынтыгы менен укуктук баа берилет.
Эскертүү: Видеодо сөгүнгөн сөздөр бар
Сүрөт: akipress.org сайтынан алынды