Бул тууралуу EurasiaPluse маалымат агенттиги билдирди.
АКИpress – Токтомушов Мирланбек Бакишович Ош шаарынын казысы кызматынан бошотулду. Буга чейин ал алдамчылыкка шектелип кармалган.
Кыргызстан мусулмандарынын дин башкармалыгы муфтий Ош шаарына жаңы казы дайындаганын маалымдады. Самидин Атабаев жаңы казы болуп дайындалды.
22-майда Токтомушев УКМКга жеткирилген. Тергөөнүн маалыматы боюнча, Ош казыятынын кызматкерлери мечиттердин жана медреселердин кызматкерлеринен системалуу түрдө мыйзамсыз акча чогултушкан. УКМК белгилегендей, казыяттын айрым өкүлдөрү муну жеке кызыкчылыктарынан улам жасашкан.
Ош облустук соту ага карата 1 айга үй камагына чыгаруу бөгөт чарасы колдонулганын маалымдаган. Соттун 23-майда кабыл алган чечимине ылайык, Токтомушев 18-июнга чейин үй камагында болот.
Сүрөт: akipress.org сайтынан алынды