Бул тууралуу EurasiaPluse маалымат агенттиги билдирди.
АКИpress – Украинанын президенти Владимир Зеленский жана Франциянын президенти Эммануэл Макрон, Улуу Британиянын премьер-министри Кир Стармер, Германиянын канцлери Фридрих Мерц жана Польшанын премьер-министри Дональд Туск АКШнын президенти Дональд Трамп менен Киевде жолугушуудан кийин телефон аркылуу сүйлөштү.
Бул тууралуу Украинанын Тышкы иштер министринин орун басары Андрей Сибига билдирди.
Ошондой эле ал Украина дүйшөмбүдөн, 11-майдан баштап 30 күндүк тыныгууга даяр экендиги кабарланды.
«Киевде коалициянын жолугушуусунан кийин 5 лидердин баары – Владимир Зеленский, Эммануэл Макрон, Фридрих Мерц, Дональд Туск жана Кир Стармер – АКШнын президенти Дональд Трамп менен тынчтык аракеттери боюнча конструктивдүү телефон аркылуу сүйлөшүү өткөрүштү.
Украина жана бардык союздаштар кеминде 30 күнгө, дүйшөмбүдөн баштап кургакта, абада жана деңизде толук шартсыз ок атууну токтотууга даяр.
Эгер Россия макул болсо жана натыйжалуу мониторинг камсыздалса, узак мөөнөттүү ок атууну токтотуу жана ишенимди арттыруу чаралары тынчтык сүйлөшүүлөрүнө жол ачат», – деп жазды Сибига.
Франциянын президенти Эммануэл Макрон, Германиянын канцлери Фридрих Мерц, ошондой эле Британиянын жана Польшанын премьер-министрлери Кир Стармер жана Дональд Туск бүгүн, 10-майда Киевге барышкан. Алар эгер Россия 30 күндүк ок атууну токтотууга макул болбосо, ага каршы санкциялык басымды күчөтөбүз деп билдиришкен.
Кечээ, 9-майда Дональд Трамп Россия менен Украинанын ортосунда 30 күндүк тыныгуу жарыялоого чакырган. Россиянын президентинин басма сөз катчысы Дмитрий Песков Украина менен тыныгуу түзүлгөн учурда Батыш өлкөлөрүнүн Киевге курал-жарак жеткирүүсү токтотулушу керектигин билдирген.
Сүрөт: akipress.org сайтынан алынды