Бул тууралуу EurasiaPluse маалымат агенттиги билдирди.
АКИpress – 2025-жылдын январь-март айында жалпы аянты 418,7 миң чарчы метрди түзгөн 3 272 үй/батир пайдаланууга берилди. Бул көрсөткүч 2024-жылдын январь-мартына салыштырмалуу 32,2%га көп экендиги Улуттук статистика комитетинин материалдарынан белгилүү болду.
Турак жай курууга негизги капиталга салынган инвестициялардын (болжолдуу) 34 млрд 515,4 млн сому пайдаланылган Бул 2024-жылдын январь-мартын айына салыштырмалуу 3,1 эсеге көп.
Турак жай курууга жумшалган каражаттардын үлүшү жалпы инвестициянын 60,8%ын түздү (2024-жылдын январь-мартында – 36,9%). Пайдаланууга берилген турак жайдын негизги бөлүгү (87%) Жалал-Абад, Чүй, Ош облустарына жана Ысык-Көл облусуна, ошондой эле Бишкек шаарына туура келет.
Айыл жеринде 168,9 миң чарчы метр турак жай пайдаланууга берилген. Турак үйлөрдү куруу жана пайдаланууга берүү негизинен калктын каражаттарынын эсебинен ишке ашырылууда. Отчеттук мезгилде жалпы аянты 295,9 миң чарчы метрди түзгөн 2 197 жеке турак үй курулду (2024-жылдын январь-мартына карата 94,4%), алардын наркы (баалоо боюнча) 8 млрд 605,9 млн сомду түздү.
Сүрөт: akipress.org сайтынан алынды