Бул тууралуу EurasiaPluse маалымат агенттиги билдирди.
Turmush — Чүй облусунун Ысык-Ата районуна караштуу Жайылма айыл аймагынын Туз айылында таза сууну максатсыз колдонгондорду аныктоо үчүн дрон менен рейд жүрдү. Бул тууралуу аймактык кабарчыга райондук мамлекеттик администрациясынан билдиришти.
Маалыматка караганда, кечээ, 21-май күнү ичүүчү сууну туура эмес пайдалануу фактыларын аныктоо максатында учкучсуз учуучу аппарат (дрон) менен профилактикалык рейд өткөрүлгөн.
«Рейддин жүрүшүндө 1 сааттын ичинде түтүк аркылуу ичүүчү сууну өз максатында колдонбой, бакчаларын сугарган 5 факты катталган. Мындан ары мындай көрүнүштөргө жол бербөө максатында мыйзам бузууларга жол берген тургундар менен түшүндүрүү иштери жүргүзүлүп, профилактикалык иш-чаралар жүргүзүлдү.
Маселе өзгөчө актуалдуу болуп саналат, анткени Түз айылы аймактын ылдыйкы бөлүгүндө жайгашкандыктан, ичүүчү суунун сарамжалдуу эмес пайдаланылышы айылдын башка аймактарына, анын ичинде төмөнкү аймактарга сууну үзгүлтүккө алып келет. Түшүндүрүү иштеринин алкагында тургундарга айыл чарба жерлерин жана бакчаларды сугаруу үчүн атайын иштелип чыккан калыбына келтирилген ирригациялык каналдар бар экендиги эскертилди. Бул максаттар үчүн ичүүчү сууну пайдаланууга катуу тыюу салынат.
Мындай рейддер үзгүлтүксүз, жума сайын өткөрүлөт. Бардык тургундарды белгиленген иш-чараларды аткарып, ичүүчү сууну өз максатына ылайык гана пайдаланууга чакырабыз», – деп айтылат маалыматта.
Сүрөт: akipress.org сайтынан алынды