Бул тууралуу EurasiaPluse маалымат агенттиги билдирди.
Turmush — Ысык-Көл облусунда Улуу Ата Мекендик согуштагы Жеңиштин 80 жылдыгына карата Ленинград блокадасынын жалгыз катышуучусу Татьяна Ступкинаны куттукташты.
Куттуктоо белектерин Кыргызстан элдеринин ассамблеясынын атынан Айбек Майрыков тапшырды. Ошондой эле, облустун бардык райондорунда ооруктун ардагерлерине да куттуктоолор жолдонуп, акчалай жана материалдык белектер ыйгарылды.
Бул иш-чара Улуу Жеңишти даңазалоо, ардагерлерге терең урмат-сый көрсөтүү максатында уюштурулган.
Ступкина Татьяна Александровна 1937-жылы Ленинград шаарында жарык дүйнөгө келген. 1942-жылы блокада маалында эвакуацияланган. Тилекке каршы, ата-энеси ошол эле блокада учурунда каза болуп калышкан. Татьяна Александровна балалык кезин Владимир облусундагы балдар үйүндө өткөргөн.
Кийинчерээк Иваново педагогикалык институтунда билим алып, мугалимдик кесипти тандаган. 1967-жылы Кыргызстанга көчүп келип, пенсияга чыкканга чейин мектептерде орус тили мугалими болуп эмгектенген. Өз өмүрүн билим берүүгө арнаган мугалим жана блокаданын күбөсү катары бүгүнкү күндө да урмат-сыйга ээ.
Сүрөт: akipress.org сайтынан алынды