Бул тууралуу EurasiaPluse маалымат агенттиги билдирди.
АКИpress – Украинанын президенти Владимир Зеленский Орусиянын лидери Владимир Путин менен Стамбул шаарында боло турган жолугушууда ок атууну токтотуу жана бардык туткундарды бошотуу маселесин талкуулоону көздөп жатат.
«Эгерде мен Путин менен жолуксам анда жолугушуу саясий жеңиш менен аякташы керек — ок атууну токтотуу же туткундарды алмашуу. Эгер ал (Путин тууралуу) жолугушууга келбесе, анда ага эки өлкөдөгү тең саясий жеңиштин кереги жок», – деди Зеленский.
Бул маекти европалык медиа уюштурган.
«Биз дароо баарын макулдаша албайбыз. Бул мүмкүн эмес — биздин жашоого болгон көз караштарыбыз, дүйнө таанымыбыз ар башка. Бирок кандай болгон күндө да биз согушту токтотуу форматын табышыбыз керек», – деди Зеленский.
Россиянын президенти Владимир Путин буга чейин Орусия менен Украинанын ортосунда 15-майда Стамбулда түз сүйлөшүүлөрдү өткөрүүнү сунуштаган. Владимир Зеленский Путин менен жеке жолугушууга даяр экенин билдирди.
Сүрөт: akipress.org сайтынан алынды