Бул тууралуу EurasiaPluse маалымат агенттиги билдирди.
Turmush — Жайыл районунун Сосновка айылында 4-май күнү Кара-Балта шаарындагы мектептердин биринин 8-классынын окуучусу сууга чөгүп кеткен. Бул тууралуу Чүй облустук ички иштер башкармалыгынын басма сөз кызматы билдирди.
Маалыматка караганда, окуя эс алуу учурунда болгон.
«Окуучулар ата-энелер жана мугалимдердин коштоосунда жаратылышка чыгып, бөлүштүрүүчү каналдын (быстроток) жээгинде эс алып жатканда, тереңдиги 7 метрге жеткен сууга 2010-жылы 1-февралда туулган, Алексеевка айылынын тургуну Д.Н. чөгүп кеткен. Аталган жер сууга түшүүгө тыюу салынган жер болуп эсептелет жана буга чейин да анда бир нече жолу мындай учурлар катталган.
Окуядан кийин Жайыл райондук ички иштер бөлүмүнүн кызматкерлери сууда кырсыктардын алдын алуу боюнча коопсуздук чараларын күчөтүштү. Алар тарабынан мектептерде, бала бакчаларда жана эс алуу жайларында түшүндүрүү иштери жүргүзүлүп, кооптуу суу объектилеринде эскертүүчү тактайчалар жаңыланууда. Мындан тышкары, өзгөчө кырдаалдар бөлүмү жана жергиликтүү бийлик өкүлдөрү менен биргеликте уруксат берилбеген жайларда рейддер уюштурулууда», – деп айтылат маалыматта.
Ички иштер органдары жарандарды балдарды кароосуз калтырбоого, сууга түшүү үчүн атайын жабдылган жерлерди тандоого, спирт ичимдиктерин ичкен соң сууга түшпөөгө жана коопсуздук эрежелерин сактоого чакырат.
Сүрөт: akipress.org сайтынан алынды