Бул тууралуу EurasiaPluse маалымат агенттиги билдирди.
Turmush — Жалал-Абад облустук клиникалык ооруканасына кирген негизги жолдун жээгинде жайгашкан дарыкына, дүкөндөр буздурулуп баштады.Бул тууралуу мэриядан кабарлашты.
Маалыматка караганда, жалпысынан 14 объект бузулат.
«Мындагы 10дон ашуун курулушту ыктыярдуу түрдө буздуруу боюнча мэриянын Жер ресурстар башкармалыгы тарабынан жыл башынан бери бир канча жолу эскертүүлөр берилген. Ошондой эле, ижарачылар менен келишимдер токтотулган», – деп айтылат маалыматты.
Аймактык кабарчыга белгилүү болгондой, оорукананын айланасында бузулуп жаткан айрым имарат ээлери шаар мэриясы койгон талаптарынын мыйзамдуулугу буга чейин шаардык сотко кайрылышкан. Учурда соттун кароосунда турганын белгилешти.
Буга чейин март айында УКМК төрагасы Камчыбек Ташиев Жалал-Абад облустук клиникалык ооруканасынын айланасын иретке келтирүү, эскилиги жеткен имараттарды буздуруу боюнча шаар мэрине, облус башчысына жана оорукананын жетекчисине тапшырмаларды берген. Анда Жалал-Абад шаарында тик учак конуучу аянтчасы бар, 7 кабаттуу оорукана курула турган айтылган.
Облустук оорукананын жалпы аянты 5 гектарды түзөт. Мындагы мекеме 453 койкага ылайыкташкан. Жылына 25 миңдей бейтап дарыланат. Жакынкы жылдарда 3 заманбап имарат түшкөн жана 5 эскилиги жеткен имараты бар. Жаңы имараттын курулуш иштери ушул жылы башталат. Ага жалпы 900 млн сомдун тегерегинде каражат жумшалары белгилүү болгон.
Андан кийин апрель айынын башында Жалал-Абад облустук ооруканасынын короосундагы эски имараттар буздурула баштаганы кабарланган. Областтык клиникалык оорукананын жетекчиси Кумар Ботокараев ооруканага караган 7 имарат бузуларын айткан.
Сүрөт: akipress.org сайтынан алынды