Бул тууралуу EurasiaPluse маалымат агенттиги билдирди.
Turmush — Кечээ, 22-майда Жалал-Абад облусунда ушул жылдын биринчи кварталында аткарылган социалдык-экономикалык көрсөткүчтөрдүн жыйынтыгын чыгарган облустук коллегия өттү.
Маалым болгондой, анда 2025-жылдын биринчи кварталында Жалал-Абад облусунда кичи жана орто бизнес ишканалары жана калктын өндүрүштүк ишмердүүлүгү тарабынан 1 млрд 223 млн сомдук өнөр жай продукциясы өндүрүлгөндүгү маалымдалды. Тармактар боюнча жүзөгө ашкан көрсөткүчтөр боюнча жалпы маалымат берилди.
Социалдык тармактар, мамлекеттик кызматкерлердин кызматтык этикалары талкууланып жаткан учурда президенттин Жалал-Абад облусу боюнча ыйгарым укуктуу өкулдун орун басары Урмат Самаев коллегияга ичип келгендер да олтурганын айтып, бирок маалыматты толук ачыктаган жок.
«Коллегияга ичип келип олтургандар бар, уялгыла. Жыйынга жоопкерчилик менен мамиле жасагыла. Медициналык экспертизадан өткөргүлө. Азыр жыйындан чыгып бара жатканда баарын текшергиле», – деди ал.
Коллегия аягында жыйын катышуучулары эч кандай медициналык кароодон өткөн жок.
Сүрөт: akipress.org сайтынан алынды