Бул тууралуу EurasiaPluse маалымат агенттиги билдирди.
Turmush — «Жети-Өгүз» курортун капиталдык оңдоп-түздөө иштери аяктоо алдында турат. Бул тууралуу Turmush басылмасынын аймактык кабарчысына Жети-Өгүз курортунун жетекчиси Нурдан Исраилов маалымдады.
Анын айтымында, курорттун алгачкы имараты 1904-жылга таандык болсо, мурдагы дарылоочу негизги имарат 1990-жылга чейин курулган.
«Жети-Өгүз» курортунун капиталдык курулушу жүргүзүлүп азыркы күндө негизги бөлүмдүн курулушу дээрлик аяктап калган маал. Быйылкы жылга 200 орундуу дарылоочу жай, бассейин жана башка бөлүмдөр курулат.
Курорттун алгачкы имараты 1904-жылга таандык болсо, мурдагы дарылоочу негизги имарат 1975–1990-жылга чейин курулуптур. Эскилиги жеткен курорт толук оңдоодон өткөрүлүп, 2025-жылдын акырына чейин ишке берүү күтүлүп жатат. Азыр негизги имаратта курулуш жүргүзүлүп, дагы башка имараттардын пайдубалын түптөө иштери жүрүүдө. Курортко кире бериштеги көпүрө курулгандыгына 50 жыл болуп, эскилиги жеткендиктен азыркы тапта 30 млн сомго узуну 16 метр, туурасы 8,5 метрлик көпүрө салынып жатат. Учурда 40 ашуун жумушчу курулуш иштерине тартылды», – деди ал.
Курорт Президенттин иш башкармалыгына өткөн жылы өткөрүлгөн. Курулуштун долбоорунун наркы болжолдуу 300 млн сомдон ашык.
Сүрөт: akipress.org сайтынан алынды