Бул тууралуу EurasiaPluse маалымат агенттиги билдирди.
Turmush — 21-апрелде Жети-Өгүз районундагы айылда унаа сүзүп кеткен өспүрүм кыз 6-май күнү каза болуп калды. Бул тууралуу жергиликтүү тургундар билдирди.
Ал эми Ысык-Көл ОИИБ аталган фактыны тастыктады.
21-апрелде Жети-Өгүз районунун айылындарынын биринде жол кырсык катталып, анын кесепетинен 17 жаштагы кыз оор абалда ооруканага жеткирилген. Ал 6-майда акка моюн сунду.
Аталган факты Жети-Өгүз райондук ички иштер бөлүмүндү катталып, тергөөгө чейинки текшерүү иштери башталып, тиешелүү соттук-медициналык жана автотехникалык экспертизалар дайындалган.
Алдын ала териштирүүнүн жүрүшүндө белгилүү болгондой, кыз жөө жүргүнчү катары жолду кесип өтүп бара жатканда Каракол шаарынын 2001-жылы туулган тургуну С.С. башкарып бара жаткан «Тойота Ист» үлгүсүндөгү унаа сүзүп кеткен.
Учурда тергөөгө чейинки текшерүү иштери улантылууда. Аталган унаа айып короо жайына токтотулган. Дайындалган экспертизалардын жыйынтыктарынын негизинде бул боюнча юридикалык баа берилип, мыйзам чегинде тиешелүү чечим кабыл алынат.
Сүрөт: akipress.org сайтынан алынды