Бул тууралуу EurasiaPluse маалымат агенттиги билдирди.
АКИpress – 2025-жылдын 1-кварталында оор турмуштук кырдаалга кабылган 2 669 бала аныкталган. Бул тууралуу Эмгек министрлигинин басма сөз кызматы маалымдады.
Маалыматка ылайык, алардын ичинен 161 бала зомбулуктун ар кандай түрлөрүнөн жапа чеккен. Соттун чечими менен 195 бала камкордукка алынып, 167 бала асыроого берилип, ал эми 52 бала адистештирилген интернаттык мекемелерге жайгаштырылган. 56 жетим бала үчүн «Келечекке салым» мамлекеттик балдар депозитин ачуу үчүн тиешелүү документтер даярдалууда.
Жыл башынан бери 251 миңден ашык үймө-үй кыдыруу жүргүзүлүп, анын жүрүшүндө эмгек мигранттарынын 83 809 баласы аныкталган. Министрлик фостердик үй-бүлөлөр системасын өнүктүрүү боюнча иштер улантылып жатканын белгилейт. Учурда 243 бала 113 фостердик үй-бүлөдө тарбияланат, ал эми 48 талапкер ведомствонун аймактык бөлүмдөрүндө каттоодо турат.
2024-жылы жергиликтүү мамлекеттик администрациялардын жана мэриялардын алдында жашы жете электердин укуктарын коргоого жана укук бузуулардын алдын алууга багытталган балдар иштери боюнча комиссиялардын 1 522 отуруму өткөрүлгөн.
Сүрөт: akipress.org сайтынан алынды