Бу ҳақда EurasiaPluse ахборот агентлиги хабар берди.
Фото: Евгений Сорочин / «Газета.uz»
Дам олиш кунлари Ўзбекистонда ёғингарчиликсиз об-ҳаво кузатилади ва ҳаво исишда давом этади. Ҳарорат ёздагидек +33…+35, жанубда ва чўл ҳудудларда +37…+39 даражагача кўтарилади.
Дам олиш кунлари Ўзбекистоннинг барча ҳудудларида ёғингарчиликсиз об-ҳаво кузатилади, дея хабар бермоқда Ўзгидромет.
Жума куни республиканинг катта қисмида қуруқ об-ҳаво сақланиб туради, фақат Фарғона водийсида, шунингдек, республиканинг тоғолди ва тоғли ҳудудларида баъзи жойларда қисқа муддатли ёмғир ёғиши мумкин.
Ҳаво ҳарорати +29…+32 даража атрофида, жанубда ва чўл ҳудудларда +33…+35 даражагача бўлади.
Шанба ва якшанба кунлари ҳарорат кўтарилиши давом этади, кундуз кунлари +33…+35 даражагача, жанубда ва чўл ҳудудларда +37…+39 даражагача исийди. Синоптикларга кўра, бундай ҳарорат май ойининг бошига қараганда кўпроқ ёз мавсуми учун хосдир.
Шамол шарқдан 7−12 м/с тезликда эсади, шимолда ва чўл ҳудудларда баъзи жойларда 13−18 м/с гача кучайиши, айрим жойларда чанг тўзонлар билан кузатилиши мумкин.
Тошкент шаҳрида 2−4 май кунлари ёғингарчилик кутилмайди. Жума кундузи ҳарорат +29…+31 даража, шанба ва якшанба кунлари +32…+35 даража бўлади.
Фото: gazeta.uz сайтидан олинди