Бу ҳақда EurasiaPluse ахборот агентлиги хабар берди.
Фото: Турк ОАВ
Истанбул аэропортида 3 нафар ўзбекистонлик аёлнинг жинсий аъзоларидан жами 6 кг 28 грамм оғирликдаги олтин чиқариб олинди. Ҳолат рентген текширувларида аниқланган.
Истанбул аэропортида ўтказилган текширувларда 3 нафар ўзбекистонлик аёлнинг жинсий аъзоларидан жами 6 килограмм 28 грамм олтин чиқариб олинди, деб ёзмоқда Sözcü нашри.
Воқеа 25 апрель куни соат 21:30 ларда рўй берган. Истанбул аэропортида ўтказилган текширувларда Чимкент (Қозоғистон)дан келган ўзбекистонлик Азиза Б., Дилсора А. ва Фируза К. исмли 3 нафар аёл гумонланувчи сифатида тўхтатилган. Уларнинг юклари тинтув қилинган, бироқ ҳеч нарса топилмаган.
Аммо рентген текширувида аёлларнинг бел қисмида зичлик аниқланган. Шундан сўнг улар прокуратура кўрсатмаси билан рентген натижаларини олиш учун Башакшеҳир Чам ва Сакура шаҳар шифохонасига олиб борилган.
Олинган рентген тасвирларида аёлларнинг жинсий аъзоларида жисмлар борлиги, улар тилла экани аниқланган ва чиқариб олинган.
Жараён давомида жами 120 дона турли оғирликдаги 6 килограмм 28 грамм олтин мусодара қилинган.
Олтинлар Жиноятчиликнинг олдини олиш ва тергов бюроси қўмондонлиги гуруҳларига топширилди. Ҳолат юзасидан тергов ҳаракатлари олиб борилмоқда.
Фото: gazeta.uz сайтидан олинди