Бу ҳақда EurasiaPluse ахборот агентлиги хабар берди.
Москва.
Фото: mos.ru
Ўзбекистон авиакомпанияларининг Москвага парвоз қилган бир нечта рейслари бошқа шаҳарларга йўналтирилди. Бунга дронлар ҳужуми туфайли ҳаво ҳудуди ёпилиши сабаб бўлди.
Москва ҳаво ҳудудининг ёпилиши муносабати билан Uzbekistan Airways авиакомпаниясининг бир нечта рейслари захира аэропортларига йўналтирилди, деб хабар берди авиаташувчи матбуот хизмати.
Йўналтирилган парвозлар:
- HY9619, Наманган-Москва (Внуково) — Уфа;
- HY9671, Тошкент-Нижний Новгород — Уфа;
- HY613, Тошкент-Москва (Внуково) — Санкт Петербург;
- HY9627, Фарғона-Москва (Внуково) — Санкт Петербург;
- HY601, Тошкент-Москва (Домодедово) — Санкт Петербург;
- HY605, Самарқанд-Москва (Внуково) — Санкт Петербург.
Centrum Air авиакомпанияси Тошкент-Москва йўналиши бўйича MFX403 рейси аввал Уфада, кейин эса Санкт Петербургда қўнишга мажбур бўлганини маълум қилди.
Бошқа рейслар ҳам кечикиши мумкин, дея огоҳлантирди ташувчи.
Бундан ташқари, Покистон ҳаво ҳудудининг ёпилиши муносабати билан Тошкент — Нячанг йўналиши бўйича MFX5537 рейси Ўзбекистон пойтахтига қайтиб келди. Қайта учиш соат 12:00 га белгиланган.
6 май куни кундузи Москва ва Россиянинг бошқа шаҳарларида Украина дронлари ҳужумлари туфайли самолётларни қабул қилиш ва жўнатишга чекловлар жорий этилди ва бекор қилинди. Москва мэри Сергей Собянин 6 ва 7 май кунлари 30 га яқин дрон ҳужумлари қайтарилганини маълум қилди.
Фото: gazeta.uz сайтидан олинди