Бу ҳақда EurasiaPluse ахборот агентлиги хабар берди.
Фото: Абдулло Ёдгоров / «Газета.uz»
Энди Ўзбекистонда одам савдоси жиноятини қалбаки ҳужжатлардан фойдаланган ҳолда содир этиш 5 йилдан 10 йилгача (аввал 5 йилдан 8 йилгача эди) озодликдан маҳрум қилиш билан жазоланади. Жиноят жабрланувчининг ўлимига сабаб бўлса айбланувчини 10 йилдан 15 йилгача озодликдан маҳрум қилиш белгиланди.
19 май куни Ўзбекистон президент имзолаган қонун [ЎРҚ-1065-сон] билан Жиноят кодексига ўзгартириш киритилди. Бу ҳақда Адлия вазирлиги хабар қилди.
Қонун билан Жиноят кодекси 135-моддасига одам савдоси билан боғлиқ бўлган жиноятни содир этганлик учун жазо чоралари кучайтирилишини назарда тутувчи ўзгартириш киритилмоқда.
Унга кўра, одам савдоси жиноятини қалбаки ҳужжатлардан фойдаланган ҳолда, худди шунингдек, жабрланувчининг шахсини тасдиқловчи ҳужжатларни олиб қўйган, яширган ёхуд йўқ қилиб юборган ҳолда содир этганлик 5 йилдан 10 йилгача озодликдан маҳрум қилиш билан жазоланиши белгиланди. Илгари мазкур жиноят учун 5 йилдан 8 йилгача озодликдан маҳрум қилиш жазоси белгиланган.
Шунингдек, ушбу жиноят жабрланувчининг ўлимига ёки бошқа оғир оқибатларга сабаб бўлса 10 йилдан 15 йилгача озодликдан маҳрум қилиш билан жазоланиши кўзда тутилди. Илгари мазкур жиноят учун 8 йилдан 12 йилгача озодликдан маҳрум қилиш жазоси белгиланган.
Қонун расмий эълон қилинган кундан эътиборан кучга киради.
Фото: gazeta.uz сайтидан олинди