Бу ҳақда EurasiaPluse ахборот агентлиги хабар берди.
Фото: «Росатом» матбуот хизмати
Санкт Петербургдаги «Росатом» заводида Ўзбекистонда кичик қувватли атом станцияси учун бутловчи қисмлар ишлаб чиқариш бошланди. Реактор учун биринчи пўлат қуйиш жараёни Тошкентда ўтган Power Uzbekistan 2025 кўргазмасида намойиш этилди.
Россиянинг «Росатом» давлат корпорацияси машинасозлик бўлимига қарашли Санкт Петербургдаги «АЭМ-Спецсталь» металлургия заводида Ўзбекистонда қурилаётган кичик қувватли атом станциясининг (КҚАЭС) биринчи энергоблоки учун реактор ускуналарини тайёрлаш бошланди.
Металлурглар бўлажак РИТМ-200Н реактор қурилмасининг биринчи пўлатини қуйди, бу уни яратиш жараёнининг бошланиши ҳисобланади. Жараён 13 май куни Тошкентда бошланган Ўзбекистон халқаро энергетика ҳафталиги доирасидаги Power Uzbekistan 2025 кўргазмасида намойиш этилди.
Компаниядан маълум қилишларича, қуйма 205 тонна оғирликдаги легирланган пўлатдан ҳозирланган. Келгусида ундан станциянинг бир қисмига айланадиган РИТМ-200Н реактор қурилмаси корпуси тайёрлаш режалаштирилган.
Ўзбекистондаги кичик АЭС лойиҳаси учун жами олтита РИТМ-200Н туридаги реактор қурилмаларини ишлаб чиқариш кўзда тутилган.
Фото: gazeta.uz сайтидан олинди