Бу ҳақда EurasiaPluse ахборот агентлиги хабар берди.
Фото: Евгений Сорочин / «Газета.uz»
Ўзбекистонда сешанбадан ҳарорат кўтарила бошлайди. Кундуз кунлари ҳаво +35…+38, жанубда ва чўл ҳудудларда +40…+42 даражагача исийди. Иш ҳафтаси охирида эса яна салқин ҳаво кириб келиши кутилмоқда. Жойларда шамол кучайиши, чанг-тўзонлар кузатилиши мумкин.
Сешанбадан ҳаво ҳарорати кўтарила бошлайди, дея хабар бермоқда Ўзгидромет агентлиги.
Душанба куни Ўзбекистон бўйича +28…+33 даража, жанубда +35 даражагача бўлган қулай ҳарорат фонида об-ҳаво кам булутли ва қуруқ бўлиши кутилмоқда.
Ҳафта ўртасида кундуз кунлари ҳаво +35…+38 даражагача, жанубда ва чўл ҳудудларда +40…+42 даражагача исийди. Иш ҳафтасининг охирига келиб салқин ҳавонинг яна бир қисми кириб келиши ҳисобига ҳарорат +30…+32 даражагача пасаяди.
Республика бўйича баъзи жойларда шамол тезлиги 13−18 м/с гача кучайиши, чанг-тўзонлар билан кузатилиши кутилмоқда. 22−23 майда айрим жойларда баъзида шамол 20−22 м/с гача кучайиши мумкин.
Тоғолди ва тоғли ҳудудларда 22−23 май кунлари баъзи жойларда қисқа муддатли ёмғир ёғиши, момақалдироқ бўлиши мумкин.
Тошкент шаҳрида 19−23 май кунлари ҳаво бироз булутли, вақти-вақти билан ўзгарувчан бўлади, ёғингарчилик кутилмайди. Душанба кундузи ҳарорат +28…+30 даража бўлади, 20−22 майда аста-секин +35…+38 даражагача кўтарилади, 23 майда +30…+32 даража бўлади.
22−23-майда шамол тезлиги 12−15 м/с гача кучайиши, баъзи жойларда чанг-тўзонлар билан кузатилиши мумкин.
Фото: gazeta.uz сайтидан олинди