Бу ҳақда EurasiaPluse ахборот агентлиги хабар берди.
Gates foundation
Фото: Уоррен Баффетт
Уоррен Баффет Berkshire Hathaway компанияси улушдорларининг йиллик йиғилишида бош директор лавозимини тарк этишини эълон қилди. Шунингдек, у компаниядан бутунлай кетиш ва унинг улушларини сотишни режалаштирмаётганини айтди.
Машҳур инвестор ва дунёнинг энг бой одамларидан бири бўлган Уоррен Баффет Berkshire Hathaway бош директори лавозимини тарк этади. Бу ҳақда у компания акциядорларнинг йиллик йиғилишида маълум қилди, деб ёзди Reuters.
94 ёшли Баффет ўзининг ўринбосари Грег Абелни компаниянинг янги бош директори этиб тайинлашни тавсия қилди. У, шунингдек, Berkshire Hathaway’дан бутунлай чиқиб кетиш ёки ўз акцияларини сотиш ниятида эмаслигини таъкидлади.
Баффет дунёнинг энг бой одамлардан бири бўлиб, унинг бойлиги Forbes журналининг сўнгги йиллик рейтингида 159 млрд долларга баҳоланган. У деярли барча капиталини муваффақиятли инвестициялар орқали топган.
Баффет 1965 йилда ўзи туғилиб ўсган Небраскадаги тўқимачилик билан шуғулланувчи кичик компания — Berkshire Hathaway`ни сотиб олган. Кейинчалик эса шу компания асосида инвестициялар ва суғурта бизнеси билан шуғулланадиган улкан конгломератга асос солган.
Ҳозирги кунда Berkshire Hathaway`нинг умумий қиймати 1 трлн доллардан ошади.
Фото: gazeta.uz сайтидан олинди