Бу ҳақда EurasiaPluse ахборот агентлиги хабар берди.
Фото: Европа Иттифоқи Кенгаши
Европа Иттифоқи Россияга қарши 17-санкция пакетини олдиндан келишиб олди. Ушбу пакет Россияга санкцияларни четлаб ўтишга ёрдам бериши тахмин қилинаётган 20 дан ортиқ, жумладан, Ўзбекистондаги компанияларга қаратилган.
Европа Иттифоқининг навбатдаги санкциялар пакетига Ўзбекистон компаниялари киритилиши мумкин, дея хабар қилди Financial Times.
Қайд этилишича, Европа Иттифоқига аъзо бўлган давлатларнинг элчилари Россияга қарши 17-санкция пакетини олдиндан келишиб олди.
«Расмийларнинг айтишича, 17-пакет Россияга санкциялардан қочишга ёрдам бераётган 20 дан ортиқ янги компанияни нишонга олган. Уларнинг ўнтача компанияси Бирлашган Араб Амирликлари, Туркия, Сербия, Вьетнам ва Ўзбекистон каби учинчи мамлакатлардан. Бу Брюсселнинг Кремлга кўмаклашгани учун биринчи марта Вьетнам компаниясига санкция қўллаши бўлади», — дея қайд этган нашр.
Financial Times маълумотларига кўра, 149 та танкер ва 60 та компанияга чекловлар қўйилади. Нашр уларнинг номларига аниқлик киритмаган.
Пакет, шунингдек, Россияга тақиқланган экспорт рўйхатига потенциал ҳарбий мақсадларда қўлланилиши мумкин бўлган бир нечта икки мақсадли товарларни, масалан, кимёвий моддалар ва дастгоҳ компонентларини ҳам киритади.
Фото: gazeta.uz сайтидан олинди