Бу ҳақда EurasiaPluse ахборот агентлиги хабар берди.
Фото: «Ўзатом» агентлиги
«Ўзатом» агентлиги ва Венгриянинг MVM EGI давлат корхонаси ўртасида Ўзбекистондаги АЭСларда қуруқ совитиш тизимларини етказиб бериш ва жорий этиш бўйича шартнома имзоланди.
«Ўзатом» агентлиги ва Венгриянинг MVM EGI давлат корхонаси атом энергетикаси соҳасида ҳамкорлик қилишга келишиб олди, деб хабар қилди агентлик матбуот хизмати.
Ўзбекистон президентининг Венгрияга ташрифи доирасида томонлар келишув ва англашув меморандумини имзолади. «Ўзатом» агентлигининг қайд этишича, ҳужжатлар Ўзбекистонда АЭС қуриш лойиҳаларини амалга ошириш бўйича ўзаро ҳамкорлик механизмларини белгилаб беради.
Венгриянинг MVM EGI компанияси АЭС учун қуруқ совитиш тизимларини етказиб беради ва жорий қилади. Бундан ташқари, томонлар илмий тадқиқотлар, технологияларни маҳаллийлаштириш ва зарур инфратузилмани яратиш бўйича келишиб олди. Режаларда мутахассисларни тайёрлаш ва малакасини ошириш дастурларини ташкил этиш ҳам мавжуд.
Апрель ойида Жиззах вилоятида кичик АЭС лойиҳаси доирасида қурилиш-монтаж базасининг биринчи босқичи қурилиши бошланганди. Май ойида «Росатом» таркибидаги Россия заводи реактор ускуналарини ишлаб чиқаришни старт берилган.
Фото: gazeta.uz сайтидан олинди