Бу ҳақда EurasiaPluse ахборот агентлиги хабар берди.
Фото: Yonhap
Жанубий Корея прокуратураси собиқ президент Юн Сок Ёлни ҳарбий ҳолат жорий этишга уринишда ваколатини суиистеъмол қилганликда айблади. Бу сиёсатчига қўйилган иккинчи айб, у қўзғолон иши билан ҳам юзлашмоқда.
Жанубий Кореянинг собиқ президенти Юн Сок Ёль 2024 йил декабрида мамлакатда ҳарбий ҳолат жорий этишга уриниш учун ўз ваколатини суиистеъмол қилганликда айбланмоқда, деб хабар берди Yonhap агентлиги прокуратурага таяниб.
Агентлик қайд этишича, янги айбловлар ҳибсга олишсиз амалга оширилган. Юн Сок Ёль аллақачон қўзғолон иши бўйича айбланмоқда.
Прокурорлар дастлаб Юн Сок Ёлнинг президентлик дахлсизлиги туфайли ваколатларини суиистеъмол қилиш айбловларини ушлаб турганди, бироқ импичмент орқали лавозимидан четлатилганидан кейин унга айблов қўйишга қарор қилди.
Прокуратура вакилининг айтишича, терговчиларда далиллар етарлича ва ҳуқуқ-тартибот идоралари Сеул марказий туман судига янги иш билан қўзғолон ишини бирлаштириш учун мурожаат қилган.
2024 йил 3 декабрда Юн Сок Ёль мамлакатда ҳарбий ҳолат жорий этишга уринганди. У буни конституциявий тартибни «коммунистик кучлар»дан ҳимоя қилиш зарурати билан изоҳлаган. Парламент фармонни блоклади ва президент уни бекор қилишга мажбур бўлди. Шундан сўнг Юн Сок Ёль ва бошқа бир қатор амалдорларга нисбатан тергов бошланди ва парламент унга иккинчи уринишда импичмент эълон қилди.
Апрель ойи бошида Жанубий Корея Конституциявий суди президентнинг импичментини тасдиқлади. Президент вазифасини бажаришга Хан Док Су тайинланди, мамлакатда муддатидан олдин президентлик сайловлари 2025 йил 3 июнь куни бўлиб ўтади.
Пайшанба куни Хан Док Су президентликка номзодини қўйиш учун истеъфога чиққани маълум бўлди, деб ёзмоқда Yonhap.
«Бу қарор тўғрими ва муқаррарми, деган узоқ ва оғир ўйлардан сўнг қарор қилдимки, агар бу ягона йўл бўлса, мен буни қилишим керак», — деди Хан Дук Су.
Фото: gazeta.uz сайтидан олинди