Бұл туралы EurasiaPluse ақпарат агенттігі хабарлады.
Армения ЕО-ға мүшелікке өтініш берген жоқ – сыртқы істер министрі
Арменияның сыртқы істер министрі Арарат Мирзоян ресейлік әріптесі Сергей Лавровпен бірге өткізген баспасөз мәслихатында Арменияның Еуропалық Одаққа (ЕО) мүшелікке өтініш бермегенін нақты айтты. "Армения Еуроодаққа қосылуға өтініш жасаған жоқ, бұл бағытта ешқандай келіссөздер жүргізілмейді," – деп мәлімдеді министр Арарат Мирзоян.
Сұхбат кезінде ресейлік журналист Еуразиялық экономикалық одақ (ЕАЭО) мен Еуроодаққа интеграция тақырыбын қозғады. Осыған орай, Арарат Мирзоян мұндай мәселе күн тәртібінде жоқ екенін, сондықтан бұл туралы пікір білдіре алмайтынын жеткізді.
Сергей Лавровтың Ереванға екі күндік ресми сапары кезінде Армения мен Ресей сыртқы саясат ведомстволары 2025-2026 жылдарға арналған консультация жоспарына қол қойды. Кездесу аясында тараптар халықаралық және аймақтық мәселелер бойынша пікір алмасты.
Айта кетейік, бұған дейін Армения парламенті елдің ЕО-ға кіру үдерісін бастау туралы заң жобасын қабылдаған болатын.
Кілтсөздер: Армения, Еуроодақ, ЕО-ға мүшелік, Арарат Мирзоян, Сергей Лавров, ресми мәлімдеме, Ереван, сыртқы саясат, ЕАЭО, заң жобасы.
Фото: inform.kz сайтынан алынды