Бұл туралы EurasiaPluse ақпарат агенттігі хабарлады.
Британиядағы қысқы жәрдемақы: өзгерістер күтілуде
Британия үкіметінің зейнеткерлерге арналған қысқы жәрдемақысы бұрынғыдай барлық зейнеткерлерге беріле ме, әлде тек аз қамтылғандарға ғана сақтала ма – бұл сұраққа қазір нақты жауап жоқ. Премьер-министр Киир Стармер бұл мәселе үкімет жаңа бюджет жобасын күзде жариялаған кезде белгілі болатынын жеткізді.
Британияда қараша-желтоқсан айларында зейнеткерлерге қыс кезінде электр энергиясы мен газға артық шығындарын өтеуге қысқы жәрдемақы төленеді. Бұл әлеуметтік қолдау 80 жасқа дейінгілерге – 200 фунт стерлинг (шамамен 269 доллар), ал 80-нен асқандарға – 300 фунт стерлинг көлемінде беріледі. Аталған төлем алғаш рет 1997 жылы енгізіліп, осы уақытқа дейін барлық зейнеткерлерге табысына қарамастан тұрақты түрде беріліп келген.
Дегенмен, өткен жылы билікке келген Стармер үкіметі қысқы төлемді тек ең мұқтаж зейнеткерлерге ғана арнайы үлестіруді шешті. Соның салдарынан өткен қыста 9 миллионнан астам зейнеткер бұл көмектен қағылды. Үкімет бұл қадам арқылы бұрынғы биліктен қалған бюджеттік қиындықтарды аңғартқысы келсе де, шешім халықтың кең наразылығын туғызды.
Мамыр айындағы жергілікті сайлауда лейбористер жеңіліске ұшырап, кандидаттар басты шағымдардың бірі осы қысқы төлемнің тоқтатылуы болғанын айтады.
Еске сала кетейік, бұған дейін Ұлыбританияда мигранттарға қарсы реформа жарияланған болатын.
Кілтсөздер: қысқы жәрдемақы, зейнеткерлерге арналған төлем, Британиядағы әлеуметтік көмек, Стармер үкіметі, Ұлыбритания бюджеті, қысқы төлем, зейнеткерлерге қолдау
Фото: inform.kz сайтынан алынды