Молдова парламенті елдің Тәуелсіз Мемлекеттер Достастығынан (ТМД) шығатыны туралы шешімді мақұлдады, деп хабарлайды EurasiaPulse.com ақпарат агенттігі.
Бұл шешімге сәйкес, Молдова 1991 жылы 8 желтоқсанда Минскіде қол қойылған ТМД-ны құру туралы келісімнен және 1993 жылы 22 қаңтарда қабылданған ұйымның Жарғысынан бас тартады.
Шешімге түсініктемеде ТМД-ны құруға негіз болған Ресейдің аумақтық тұтастық пен шекаралардың мызғымастығы қағидатын сақтамағаны айтылған. Мәскеу бұл қағиданы Грузияға қарсы агрессия, Украинадағы соғыс, осы елдердің аумақтарын басып алу, сондай-ақ Молдова Республикасында өз әскерін заңсыз ұстау арқылы бұзды.