5 май куни эълон қилинган энг муҳим янгиликлар дайжести – Ўзбекистон янгиликлари

Бу ҳақда EurasiaPluse ахборот агентлиги хабар берди.

«Миллий тикланиш» ва ЎзЛиДеП фракциялари «Тараққиёт блоги»ни тузди

ЎзЛиДеП ва «Миллий тикланиш» фракциялари бирлашиб, «Тараққиёт блоги»ни тузди. У 93 нафар депутатни ўз ичига олади ва парламентдаги кўпчиликни ташкил қилади. Мақсад партияларнинг дастурий вазифаларини қўллаб-қувватлаш ва президент бошлаган ислоҳотларни давом эттиришдан иборат.

Click онлайн тўлов тизимлари бозорида устун мавқега эга деб топилди

Рақобат қўмитаси Click компаниясини онлайн тўлов тизимлари бозорида устун мавқега эга деб топди.

ОТБ Осиё-Тинч океани минтақасида озиқ-овқат хавфсизлиги учун $40 млрд сармоя киритади

ОТБ 2030 йилгача Осиё-Тинч океани минтақасида озиқ-овқат хавфсизлигини қўллаб-қувватлашни 40 млрд долларгача оширади. ОТБ раҳбари Масато Канда иқлим ва нархларнинг ошиши туфайли озиқ-овқат тизимларини ўзгартириш муҳимлигини таъкидлади. Ўзбекистон аввалроқ бу соҳа учун 150 млн доллар олганди.

Ўзбекистонда биринчи чоракда даромадлар ўсиши секинлашди

2025 йилнинг биринчи чорагида Ўзбекистон аҳолисининг реал даромадлари 7,6 фоизга ўсди, бу ўтган йилнинг биринчи чорагидаги кўрсаткичдан пастроқ. Шу билан бирга, хориждан пул ўтказмаларининг умумий даромадлардаги улуши 15,8 фоиздан 19,5 фоизгача ошди.

Humo тўлов тизими операторининг собиқ раҳбари Шуҳратбек Қурбонов TBC Bank’ка ўтди

Миллий банклараро процессинг марказини (Humo тўлов тизимининг оператори) бошқарган Шуҳратбек Қурбонов TBC Bank бошқаруви раисининг бизнес сегменти тўловларини ривожлантириш ва уларга хизмат кўрсатиш масалалари бўйича маслаҳатчиси этиб тайинланди.

ОТБ президенти: Ўзбекистон — энергетика соҳасига хусусий инвестицияларни жалб қилишда стратегик ёндашув намунаси

Ўзбекистон — хусусий инвестициялар ҳисобига энергетика соҳасини муваффақиятли трансформация қилиш намунаси, деди ОТБ раҳбари Масато Канда. Унга кўра, мамлакатда 3,5 ГВт қайта тикланадиган энерголойиҳалар амалга ошмоқда, баъзи шартномалар рекорд даражадаги паст тарифлар бўйича тузилган.

«Чинакам халқаро лойиҳа яратишга интиляпмиз» — АЭС қуриш дирекцияси бошлиғи ўринбосари

Ўзбекистонда АЭС қуриш дирекцияси станцияни лойиҳалаш ва қуришга тайёргарлик қандай олиб борилаётгани, шунингдек, маҳаллий ва хорижий компаниялар билан ҳамкорлик режалари билан ўртоқлашди. Ёқилғи ишлаб чиқариш учун маҳаллий уран ишлатилиши мумкин, бу унинг нархини тахминан 30% камайтиради.

«Ўзбекнефтгаз» рекорд миқдорда еврооблигациялар жойлаштириш орқали $850 млн жалб қилди. Маблағ қаерларга сарфланади?

«Ўзбекнефтгаз» давлат компанияси йиллик 8,75 фоизли 850 млн долларлик еврооблигацияларни жойлаштирди, бу 2021 йилдаги дебютдан деярли икки баравар қиммат. Маблағлар газ қазиб олишнинг қисқариши шароитида олдинги қарзлар ва инвестицияларни қайта молиялаштиришга йўналтирилади.

Ўзбекистонда 5−11 май кунлари об-ҳаво қандай бўлади? «Газета.uz» шарҳи

Ўзбекистон ҳафта бошида худди июнь-июль ойларидаги каби жуда иссиқ ҳарорат тўлқини таъсирида бўлади. Ҳафта ўрталаридан ҳароратнинг бироз пасайиши кутилади, аммо шунда ҳам деярли салқинликсиз ўтади. Жорий ҳафта кунлари нафақат иссиқ, балки қуруқ ҳам ўтиши кутилмоқда.

«Укам мажбурий меҳнат қурбони бўлди». Навоийда икки нафар ёшлар етакчиси ЙТҲда вафот этди

3 май куни Кармана туманида содир бўлган ЙТҲда икки нафар ёшлар етакчиси вафот этди. Ёшлар ташкилотининг яна бир ходими шифохонага ётқизилди. Алишер Саъдуллаев марҳумлар оиласига моддий кўмак берилишини айтди. Навоий вилояти ИИБ ушбу ҳодиса ҳақида ҳалигача расмий муносабат бергани йўқ. Батафсил.

Бойсундаги «М-25» конида яна газ ажралиб чиқди

Сурхондарё вилоятидаги «Мустақилликнинг 25 йиллиги» конида таркибида водород сульфиди юқори бўлган газнинг катта босим билан отилиши кузатилди. Энергетика вазирлиги оқим назорат остида ёқиб юборилганини маълум қилди. Аварияни бартараф этиш учун хориждан мутахассислар жалб этилган.

Ҳафта ўртасида ҳаво +40 даражагача исийди, сўнгра бироз пасаяди

Чоршанба кунигача ҳудудларда ҳаво +40 даражагача исийди. 8 майдан ҳароратнинг бироз пасайиши бошланади ва +27 даражага тушиши мумкин. Айрим жойларда қисқа муддатли ёмғир ёғади, момақалдироқ кузатилади.

«Биз қўрқиб қолган воқеа яна юз берди». Бойсунликлар навбатдаги газ портлаши ҳақида

Бойсун туманидаги «Мустақилликнинг 25 йиллиги» газ конида 5 май куни такрорий портлаш юз берди. Ижтимоий тармоқларда тарқалаётган видеоларда коннинг 202-қудуғидан чиқаётган заҳарли газ ва баланд ёнаётган оловни кўриш мумкин. У ердаги ҳақиқий аҳвол қандай, бойсунликлар бу ҳақда нима деяпти?

Экология вазирига гибрид автомобиллар учун экологик сертификат жорий этилгани юзасидан сенатор сўрови юборилди

Тармоқларда Ўзбекистонга олиб кирилаётган гибрид автомобилларни божхонада расмийлаштиришда улардан Евро-4 экологик тоифасидан кам бўлмаганини тасдиқловчи экологик сертификат талаб этилаётгани хабар қилинди. Бу бўйича Сенат аъзоси Анвар Туйчиев экология вазирига сенатор сўрови юборди.

Самарқандда жарликдаги чангалзорга тушиб кетган икки киши қутқарилди

Самарқанд шаҳрида 10 метрлик жарлик ичидаги чангалзорга тушиб кетган ёши катта икки фуқаро ФВВ қутқарувчилари томонидан қутқариб олинди.

Сирдарё вилоятида 28 нафар бола Damas’да ташилди

Сирдарё вилоятида Damas ҳайдовчиси 28 нафар боғча боласини олиб кетаётгани аниқланди. У билан «профилактик тушунтириш ишлари» олиб борилган ва 700 минг сўм жаримага тортилган.

ЙҲХХ вазифаларини бажара олмай, қўрқитишнинг янги босқичига ўтди

ЙҲХХ «йўл қотиллари» ибораси биринчи марта ишлатилган янги видеосида «жамоатчиликда қоидабузарликка қарши биргаликда курашиш туйғуси шаклланмас экан, эртага сизнинг ҳам фарзандингиз уйга қайтмаслиги мумкин», деди. Идора хавфсизлик учун масъулиятни яна бир бор жамоатчиликка юклади.

«Ногиронлиги бор шахслар бандлигини таъминлаш Ўзбекистон шароитида ҳам жуда муҳимдир» — Акико Фужии

БМТ Тараққиёт дастурининг Ўзбекистондаги доимий вакили Акико Фужиига кўра, ногиронлиги бўлган шахслар бандлигини таъминлаш Ўзбекистон учун ҳам жуда муҳимдир. «Уларга нисбатан стереотипларга барҳам бериш керак. Ногиронлар учун яхшироқ муҳит яратиш ҳам жамият ва тадбиркорларнинг қўлида», — дейди у.