АҚШ-тың бұрынғы президенті Билл Клинтон Дональд Трамптың Иранға қарсы соғысын қатаң сынап, бұл тек Израиль премьер-министріне ғана тиімді екенін мәлімдеді, деп хабарлайды EurasiaPulse.com ақпарат агенттігі.
Клинтонның айтуынша, соғыс барысында АҚШ-тың 13 әскериі қаза тауып, 200-і жараланған. Одан бөлек, тарихта бірінші рет америкалық F-35 жойғыш ұшағына оқ тиген. Бұл ұшақты жасауға халықтың салығынан 2 триллион доллар жұмсалған және ол «оқ өтпейтін» деп есептелетін. Енді АҚШ-тың әскери беделіне үлкен нұқсан келді.
Экс-президенттің сөзінше, Пентагон Конгрестен соғысты бастауға рұқсат сұрамаса да, енді оны жалғастыру үшін 200 миллиард доллар сұрап отыр. Бұл Трамптың соғысты ұзаққа созғысы келетінін көрсетеді, бірақ Конгресс бұл қаражатты бөлмейтіні анық.
Билл Клинтон әр президент соғыс бастамас бұрын «Бұл соғыс кімге керек?» деген сұраққа жауап беруі керек деп санайды. Оның өзі бұл сұраққа нақты жауап берді.
Бұл – АҚШ-тың емес, Биби Нетаньяхудың соғысы. Ол Трампты алдап-арбап осы соғысқа кіргізіп жіберді. Америка тарихында мұндай жағдай болмаған.
Клинтонның пікірінше, Нетаньяху өз елінде сыбайлас жемқорлыққа қатысты істі болған. 7 қазандағы ХАМАС шабуылынан кейін оның саяси мансабы аяқталған еді. Алайда Иранмен соғыс оны «қайта тірілтті», себебі Израиль халқының 90%-ы бұл соғысты қолдап отыр.
Ал АҚШ-та жағдай мүлде басқа. Трамптың рейтингі төмендеп, халықтың басым көпшілігі соғысқа қарсы.
Сондай-ақ Клинтон Израильдің «Оңтүстік Парс» газ кен орнына соққы жасауын нағыз қылмыс деп атады. Бұл – таза азаматтық нысан, ол халықты газбен, сумен және электр қуатымен қамтамасыз етіп келген.
Экс-президенттің сөзінше, Трамп пен Нетаньяхудың іс-қимылында үйлесім жоқ. Трамп әлеуметтік желіде Нетаньяхуға БАС ӘРІППЕН жазып, газ кен орнына тиіспеуді ескерткен. Ал Израиль тарапы Associated Press агенттігіне берген сұхбатында барлық әрекет АҚШ-пен келісілгенін айтқан.
Билл Клинтон егер Трамп соғысты тоқтатып, дипломатияға көшпесе, шығын 200 миллиард доллармен шектелмей, триллиондарға жететінін ескертті. Ол бұл соғыстың нақты мақсаты жоқ екенін де қосты.