Бұл туралы EurasiaPluse ақпарат агенттігі хабарлады.
Каспий теңізін сақтау: жаңа жоба су тапшылығына қарсы
ADOG компаниясы мен Зира халықаралық порты Каспий мен Қара теңізді жалғайтын ерекше инфрақұрылымдық жобаны ұсынды. Олардың жоспары – Қара теңізді (Грузия немесе Ресей аймағы) Каспий теңізімен жер астына тартылған 10 метрлік туннель арқылы байланыстыру.
ADOG компаниясының басшысы, инженер Мұса Сүлеймановтың айтуынша, бұл туннель арқылы Қара теңіз суы табиғи тартылыс күшінің әсерімен Каспийге сорғысыз-ақ құйылады. Мұндай шешім Каспий теңізінің су деңгейін табиғи жолмен қалпына келтіруге мүмкіндік береді.
Каспий теңізінің су балансының бұзылуы – жағалау елдеріне, соның ішінде Қазақстанға экологиялық және экономикалық тәуекел тудырып отыр. ADOG өкілдерінің атап өтуінше, бұл бастама Каспий суын тұрақтандыруға және аймақтың биологиялық әртүрлілігін қорғауға бағытталған. Жоба толыққанды экологиялық мониторингпен және табиғатты қорғау шараларымен қатар жүзеге асырылмақ.
Компания бұл ұсынысты мемлекеттік деңгейде қарастыруды сұрайды. Айта кетейік, қаңтар айында Қазақстанда Каспий теңізіндегі су деңгейінің өзгерістерін зерттейтін арнайы жұмыс тобы құрылған болатын.
Кілтсөздер: Каспий теңізі, Қара теңіз, су деңгейі, экологиялық жоба, Қазақстан, инфрақұрылым, табиғи ресурстар, экология
Фото: inform.kz сайтынан алынды