Бул тууралуу EurasiaPluse маалымат агенттиги билдирди.
Turmush — Нарын облусунун Ат-Башы районунда жумушчу бош орундар жармаңкеси уюштурулду. Бул тууралуу аймактык кабарчы билдирди.
Маалыматка караганда, иш-чарага Ат-Башы районунун аймагындагы жумуш берүүчүлөр, калкты иш менен камсыз кылуу бөлүмүнүн кызматкерлери, мамлекеттик мекемелер, банктар, кафе-ресторан ээлери жана башка менчик ишканалар катышты.
Анын алкагында учурда 147 бош жумуш орду бар экени маалымдалып, жарандарга бош орундар, жумушка орношуу шарттары жана жол-жоболору боюнча кеңештер берилди. Ошондой эле, жумушсуз жарандарга кыска мөөнөттүү кесиптик окуулар тууралуу маалыматтар айтылды.
Ат-Башы райондук №32 кесиптик лицейи тарабынан компьютердик сабаттуулук, тигүүчүлүк жана сүттү кайра иштетүү сыяктуу багыттар боюнча окуу курстарынан өтүп, сертификат алуу мүмкүнчүлүгү сунушталды.
Сүрөт: akipress.org сайтынан алынды
