Бул тууралуу EurasiaPluse маалымат агенттиги билдирди.
АКИpress – Чыгыш Казакстан облустук драма жана оперетта театры алгачкы жолу Бишкекке гастролдук сапар менен келет. деп маалымдады Маданият министрлигинин басма сөз кызматы.
Ага ылайык, 19-20-май күндөрү Т.Абдумомунов атындагы Кыргыз улуттук академиялык драма театрынын сахнасында спектаклдер тартууланат.
19-май улуу жазуучу Чыңгыз Айтматовдун «Делбирим» повестинин негизинде сахналаштырылган «Шынарым менің, шырайлым менің» («Чынарым менин, чырайлуум менин») спектакли көрсөтүлөт. Ал – назик лирикага жана трагизмге, философияга жана түбөлүк адамдык суроолорго толгон чыгарма.
20-май кыргыздын белгилүү драматургу Жеңишгүл Өзүбекованын пьесасынын негизинде «Толғақ» («Толгоо») спектакли коюлат. Ал – аял тагдыры, энелик сезим, сыртынан көрүнбөгөн азап жана барын өзгөрткөн тагдыр тандоосу тууралуу күчтүү эмоцияга бай чыгарма.
Спектаклдер саат 19:00дө башталат.
Сүрөт: akipress.org сайтынан алынды
